طريقة عمل صينية اللحم المفروم بالفرن بطريقتي الخاصه بالصور |

طريقة عمل صينية اللحم المفروم بالفرن بطريقتي الخاصه بالصور | اكلات بالصور خفيفة وسريعة وجديدة | موقع موسوعة الطبخ

cook to learn | how to make a recipes with pictures | arabic cooking recipes
طبقي هذا يفك لك
ازمات واذا كنت مالك خلق للمطبخ والريحه فهذا باذن الله يساعدك ويبيض وجهك
باذن الله ما عليك الا انك تطبقي مرة وراح تعتمدي عليه حتى بالعزايم باذن
الله >>>>>>> طولت عليكم بالكلام
نبدي الطبق يلاااااااا
[CENTER]اول شي تحضري خلطة اللحم
لحم مفروم ناعم نص كيلو
3 بصلات وسط
فلفل بارد
شدة بقدونس صغيرةمفرومه
5 فص ثوم
قليل من الكزبره الخضراء اذا احببت
بهارات مشكله وملح
تفرمين كل المقادير السابقه فرم ناعم وتخلطينها مع بعض وتضعين عليها ملعقه كبيره من دبس رمان وهذا الشكل للخلطه ولكن قبل الخلط 0




ثم بعد الخلط الجيد نفرد الكميه كلها بالبايركس مثل الصورة





سامحوني التصوير ما حلا لي الا علي الغاز ههههه من العجله والله

شوفي سماكتها معي تفضلي تعالي مافي احد <<<<<<<<<<<<<<<<<ههههههههه






الحين قطعي اللي تحبين من الخضروات انا حطيت شرايح دائريه بطاط وبصل وطماط و فلفل بارد وحطيتهم علي اللحم بدون ما اضغط علي اللحم






الحين نسوي المرق للخلطه هذه وطبعا بما اني وعدتكم ما راح يصير فيكم ريحه طبخ فانا عند وعدي
حطي
بالخلاط الكأس طماط و بصل و ثوم وفلفل بارد وبهارات ومعجون طماط و ملح و
شطه وكل شي تخلطينه ثم تضعينه بالقدر وعلي النار يطبخ حتى يتسبك قليلا





طبعا انا من محبي نكهة دبس الرمان مع اللحم فوضعت القليل منه مع المرق
ثم نسكب المرق علي اللحم بالبايركس






طبعا حسب الرغبه انا حطيت قليل من الكزبرة الخضراء مع المرق لاني احب الكزبره
وقصدري الصينية وعلي الفرن لمدة 45 دقيقة الي ساعه
شوفوا صينيتي بالفرن يا حليلها طيبه ما تقول لا






الآن شوفوا النتيجه المذهله طبعا تقدم مع الخبز او مع الرز الابيض انا سويت معها رز ابيض بالشعيريه واتمنى انها تعجبكم






واخيرا اتمنى انكم تجربونها لانها لذيذه جدا
وختاما اتمنى انكم لا تنسوني من صالح دعائكم

شكرا لك اختي على الموضوع الرائع

سلمت يديكط على هذه الروعة

واصلي بهذا النشاط و التميز

والف شكر لك اختي الكريمة

تقبلي مروري

والف شكر