المحاجب اليوم مميزين بزااف بالنسبة ليا لانو شاركتني فيهم توميتي لعزيزة ريحانة الجنة
على بركة اللله
العجين شكون لي ميعرفش مقاديروو
اكيد الدقيق مع الملح
يخلط جيدا وتحطيه في ساجي تكون بليتيها شوي بماء دافي وتغلقيها جيدا
اما الحشوة
هي بصلة + فلفل +ملح+ طماطم + مغرف صغيرة شحم ادا كنتو تعرفوه + زيت هاد الشحم خااص من صنع الوالدة حنوريلكم كيفاه تخدموه في وقت اخر
طريقة التحضير درك راكي خلطي لعجين صاااي وحطيتيه يرتاح تجيبي البصل ديول وتقطعيه دوائر وادا عندك البصل الاخر عادي قطعيه هو تاني دوائر وزيدي قطعي الفلف الحار دوائر وديري زيت كمية معتبرة وحطيهم يطيبو كي تشوفي البصلة والفلفل بداو يدبالو تزيدي تحطي الشحم لي قتلك عليه مجرد اضافة لاغير مي تعطيك بنة ولا اروع
كي تذبال البصلة والفلفل خلالالالاص ويتنااقص حجمهم تضيفي الطماطم المرحية ( بالروبو ولا لاراب كيف كيف المهم مرحية مليح)
تغلقيها وتحطيها طيب على نار هادئة وكي طيب طفي عليها النار وخليها في جهة نرجعو درك للعجين
تقسمي العجين على زوج واحد تخليه فالساشي والتاني تعجنيه
كي تعجنيه مليح تحطيه في جهة وتجيبي لاخر كي تعجنيه مليح تجيبي سنيوة وتدهنيها مليح بالزيت تشكلي العجين كريات خرين صغار وخرين كتر منهم بشوي اكيد بالحساب مثلا 20 متوسطة و20 خرى قل منها شوي تحطيهم فالسنيوة ديريلها نيلون فالفوق باه متنشفش العجينة ودير كانوو قشووور وتفزدلك وصلنا للمرحلة الاهم لي هي تجيبي الصغار وتبداي طيبيهم بالوحدة كامل تطرحيها وتحطيهم يطيبو نص طياب مجرد ما يتغير لونها قلبيها ونحيها تم تم
كي تخلصيهم كامل هكا باه متتعبيش تحطيهم تحت منشفة تاع اكل نضيفة باه يحكمو سحانة وميتقسموش كي تنحيهم من الطاجين طبقيهم على اربعة باه يسهل عليك فتحهم من بعد درك تروحي تطرحي لي كتر حجم وحدة وتطرحيها مليح تجيبي وحدة طايبة وتحطيها فوقها فالنص لاحظو الفرق فالحجمين من بعد تجيبي لافارس وتحطي بطريقة مستطيلة ولا مربع المهم ديري لافارس بزااف وتبداي طبقيها حتى تتحصلي على مربع (او مستطيل ) من بعدها تبداي طبقي عليها لي طرحتيها لي مزالها مطابتش كيف كيف طبقيها على المستطيل لي مشكل فيها باه تتحصلي على لون ذهبي ديريلها زيت مليح على الوجهين وحطيها طيب على نار هادية
لانو قلتلكم الطبق اليوم مميز لانو فيه الشكل نهائي تاع توميتي (ريحانة الجنة ) تاع المحاجب تعها لانو انااي مصورتش تاوعي تكسرت هههههههه عييت وبصحتكم كامل
نتمنى يعجبكم
ترقبو وصفات اخرى
مني انااي غزالة المنتدى
تحياتي الخالصةهناء1995[/url] ,[url=member.php?u=11556]ملاك الجنة[/url] ,[url=member.php?u=57592]haloum[/url] و [url=#]5 آخرون[/url] معجبون بهذا[url=member.php?u=55806]ريحانة الجنة[/url] ,[url=member.php?u=13]حمزة بل العزيز[/url] ,[url=member.php?u=13032]SaSuKe[/url] ,[url=member.php?u=3692]abdou-E.P.S[/url] ,[url=member.php?u=184]المعلمة هناء