** يـــا عم **

بسم الله الرحمن الرحيم


القصيدة هذه وصلتني على الايميل وحبيت انكم تشفونها


--------------------------------------------------------------------------------

** يـــا عم **

الطيب لأهل الطيب والناس اجناس
والفرق واضح بين واطي وعالي

ياعم وقفاتك ترى مالها قيـــــاس
دامك ولد صالح ، صعيب المنالي

بعض البشر ميت ولكن مع الناس
وابوك عايش ياعساه بدلالــــي

ياليت جدي بيننا رافع الــــراس
ويشوف ولده صار سيد الرجالي

عبدالعزيز اللي على المجد نبراس
شامخ وواصل بالشموخ المعالي







طيبك الى منه حضر فاح نسناس
وخيرك يبو صالح يفوق الجبالي

فيك المزايا النادره ، طيب الساس
سمح ٍ كريم ٍ نلت كل الخصالي

تبعد عن دروبك شياطين خنـــاس
ويملى طريقك اصفر اللون غالي

لو صابتك ضيقه ، تشجعّت : لاباس
مادامها من ربي اعلم بحـــــــالي

لو قلت عنك ماس ، يابخت الألماس
ولو قلت دمك من ذهب ، ما ابالي

ميانزل بوسط البحر ، كود غطاس
وانت ف بحر دنياك تجمع لآلي

كنك ابو ليلى والأحقاد جساس
ليث ٍ شجاعن ، همه كبد الغزالي

آمر يبو صالح ، والأهداب حراس
ياجعلني افداك ياراس مالي

أقسم بمنزل صاد والنور والناس
انك فخر للناس ، ابلا جدالي

من ايميلي يالغلا
القصيدة ... كتبها الشاعر في عمه الغالي ( عبدالعزيز ) أتمنى ان تعجبكم ...

السلام عليكم أخي الغالي
جزاك الله خيرا على الموضوع الجميل في منتدى الخواطر
في انتظآرك من جديد والله مبدع

شكرا ع الموضوع الذي في غاية الروعة