السلآم عليكم ورحمة الله وبركاته ..
كيفكم جميعا ..؟
هذا أول موضوع لي بالمرأه .. <-- لازم كل من نزل موضوع يقول هــ الكلمة .. خخخخ
عموما .. موضعي راح يكون عن أهم انسانه في هـ الوجود ..
الأم ..
بسم الله نبدأ ..
أمــــــك ...
مارآح أقعد آقول هي حملتك وربتك .. الخ .. هذا الشي الكل عارفينه .. لكن .. بس بسأل سؤال ..أنتي راضيه عن تعاملك مع أمك ..؟!
راضيــه عن تعاملك مع آكثر انســانه تحبك وتخاف عليك في هــ الوجود ..؟
مهما رحتي .. أو جيتي .. أو تعرفتي على ناس في هــ الدنيا طول حياتك .. عمرك ماراح تلقين أحد زي أمك ابدا ابدا ابدا ..
مها سمعتي من الناس .. حتى لو تزوجتي .. وزوجك يحبك ويغليك ويسوي كل شي عشآنك ..مارآح يكون زي أمك .. أبدا .. أنتي أغلى شي عندها .. قطعه منهآ ..!
لو أمك ما بينت هذا الشي بالحكي .. يبآن بالأفعال .. وحتى لو أفعالها ما بينت لك انها تحبك.. أو بمعنى أصح .. أنك مهمه جدا عندها .. فيه أشياء كثيره تسويها وأنتي مو دآريه عنها ..أول شي ..
- دعائها لك .. الرسول عليه الصلاة والسلام يقول .. (ثلاث دعوات يستجاب لهن، لا شك فيهن: دعوة المظلوم، ودعوة المسافر، ودعوة الوالد لولده.)(ه عن أبي هريرة).
هذا وعد من ربي .. أن دعوات الوالديين لاولادهم مستاجبه .. حتى لو الدعوه ما أستجابها ربي في نفس الوقت .. تكون بأذن الله دفعه لمشكله أكبر راح تصير .. <-- ما قدرت القى هذا الحديث .اللي تعرفه ياليت تحطه ..
- دفاعها عنك .. خلي بس أحد يقول شي فيك .. ياما صارت قطاعات بين ناس عشان ذا الشي .. تقاطع صديقتها أو حتى أختها .. اذا عيبت في بنتها او ولدها ..أو قالت فيه شي ..
.
.
- أتذكر وحده من البنات .. تقول أحس أن أمي ما تحبني .. أمي تحب أختي الصغيره أكثر مني .. أو تقدر أختي الكبيره وأنا لاء ..
أنا هنآ راح أقول لكم كيف نظرة أغلب الامهــات .. بما أنو أنا الكبيره عند أمي ..أحس مشاكل البيت أو الخطط أو التغيرات .. يبلغوني فيها قبل أخواني .. ودائما يقولون لأمي أنك تحبين ريم أكثر منا ..
هي مو مسألة حب .. بس الكبير دائماً .. يكون شايل المسؤليه .. ويكبر بعين أهله ..أما الصغير أو القعده .. دائم يقعد بنظر أهله صغير .. ونفس الشي .. هذا يسبب مشكله عند بعض البنآت .. ليــه أمي الى الآن تشوفني صغيره .. ليه للآن ما تخليني آروح وآجي على كيفي .. وليه وليه وليه ..
اتأكدي أن أمك عمرها مارآح تسوي الشي وهي قاصده تضييق صدرك فيه .. حطي هــ الشي دآيم ببالك .. مافيه أم تتمنى تشوف بنتها زعلانه ومتضايقه تسوي كل شي من خوفها عليك .. ممكن تخاف عليك من أشياء انتي تحسينها سخيفه .. لكن هي تشوفها بمنظور ثاني ..
أنا عــارفه ان كلكم تحبون أمهاتكم .. وما أحد يكره أمه .. بس خل أسلوبك مع أمك غييييييير عن أسلوبك مع أي شخص ثاني ..
بنـــــــات .. ترى رضا الله من رضى الوالديين .. ربي اللي يحميك ويرحمك برحمته دائما .. ورازقك بالصحه والعفو العافيه .. قرن رضاه .. برضا الوالديين ..يالله .. لـ هـ الدرجه رضاء الأم مهم عند ربي ..
عشان كذآ لازم أسلوبك معاها يكون غير عن أسلوبك مع أي أحد ..
.
.
/
رآح أعطيكم بعض الأمثله على الأسلوب اللي المفروض تتعاملين فيه مع أمك ..
- اذا نادتك .. لا ترديين بـ هاااااه .. أو نااااااااااااااااااااعم (نعم).. لا خلك أذرب شوي .. قولي سمي .. لبيه .. أقل شي .. هلآآ .. يعني ردك لها غير ردك على أخوانك ..
- اذا نادتك وأنتي مثلا بغرفتك تبي منك شي .. لا تقعديين تردين بـأعلى صوتك وتخلينها تتعب معك وهي تعييد كلامها وانتي هاااه وشوو ما أسمع .. يا حبيتي أفتحي باب غرفتك وردي عليها بابتســامه .. قدريها .. هذي أمك ..!
- أذا طلبت منك شي بسيط .. مثلا جيبي لي كأس مويه .. لآ تقولين قولي للشغاله .. ولآ تقولين طيب ولا تروحين الا عقب مايخلص اللي تسوينه سواء كنت أو تسولفين أو تشوفين الـ TV أو شابكه ع النت .. أتركي كل اللي بيدك وجيبي لهآ اللي تبيه .. هي تقدر تطلب من الشغاله .. لكن هي حآبه تشرب كأس المويه من يدك ..
- أغلب البنات .. اذا كان عندها موضوع عارفه أن اهلها ماراح يوافقون عليه .. تقول بنتظر الين آشوف أمي مروقه وأقول لها .. اذا انتي عارفه ان الموضوع بيزعلها .. لا تقولينه لهآ وهي مروقه .. يعني قهــر .. اذا شفتيها مبسوطه بتضيقين صدرها ..؟! لان غالبا بيكون فيه نقــاش وأخذ وعطى .. أجلي الموضوع .. اذا شفتي مزاجها عادي .. كلميها .. بأدب .. بيني لها وجهة نظرك باحترام وابتسامه .. حتى لو ما وافقت في وقتها .. قولي لها .. أنا بسوي الشي اللي يريحك .. ودام انتي مو راضيه .. ماراح أسويه .. لا تأخذين الموضوع عناد ... وتدخلين ابوك واخوك ومدري مين عشان يكلمونها .. هي اذا شافت ردك كذا .. بتفكر في كلامك .. ويمكن توافق على اللي تبينه وهي مو مقتنعه .. بس عشان أسلوبك ..
- اذا كان لامك تعليق على لبسك .. أو عبايتك .. برضو لا تاخذينها عنــآد .. فهميها وجهة نظرك بشويش .. أتركي اللي هي ماتبيه .. واكسبي رضاها .. واذا أنتي انسانه عنيده .. ومالك الا اللي براسك .. أقل شي تسوينه .. لا تجادلينها .. خير ان شاء الله وانا كبيره وافهم وكل البنات كذا ..الخ ..لالالا أبعدي عن هــ الاسلوب .. قولي ان شاء الله بترك اللي ماتبينه .. بتعود مع الوقت .. ادعي لي .. اكسبيها بالحكي .. ماتدريين يمكن تقول ربي يهيدك .. وفعلا ربي يستجسبها ويهديك ..؟! مافي شي بعيد عن ربي ..
- لاتحاولين دائما تكسرين كلام امك .. أو تمشين كلامك ورأيك عليها .. ولا تعتبرين هذا ضعف ..شوفيها بطريقه ثانيه .. شوفي انها بر لامك .. وكسب لرضاها ..
- اذا شفتي أمك تطبخ .. حتى لو كان معها الشغالات يساعدونها .. ادخلي انتي .. حتى لو ماكان لك في الطبخ .. ادخلي ابتسمي بوجهها .. هاه مامتي .. تبين مساعده .. شفتيها تقطع شي خذيه منها وكملي .. تقلب شي ع النار قلبيه عنها .. سوي أشياء بسيطه .. عشان تحس أنك معها .. راح تفرح بمساعدتك أكر بالف مره من مساعدة الشغالات لها ..
- اذا كانت امك عندها عادة تسويها وانتي ماتحبينها .. لا تقولين لها .. أو تتقرفين منها .. أو اذا ستايلها باللبس ما يعجبك .. أو تحسين انه قديم .. لا تجرحينها وتقولين لبسك قديم .. لا مو حلوو .. شكلك مدري كيف .. اذا خذت رأيك بقطعه توها اشترتها .. لاتحطمينها وتقولين وووع.. لا موحلوووو .. خلاص هي مقتنعه فيها .. جامليها وقولي حلوو ..
- اذا كانت أمك صغيره نوعا ما بالعمر .. <-- زي مامتي .. كلميها زي ماتكلمين زميلاتك ..اضحكي وفرفشي والعبي معها .. بس برضو تظلين مقدرتها .. أما اذا كانت كبيره .. راعي مشاعرها .. أعطيها قيمه وأهميه..قال تعالى (إما يبلغن عندك الكبر احدهما أو كلاهما فلا تقل لهما أف ولا تنهرهما وقل لهما قولاً كريما *
و أخفض لهم جناح الذل من الرحمة وقل رب إرحمهما كما ربياني صغيرا.) .. شاوريها في أمورك .. لا تصيرين بس تعطينها خبر انك بتسوين شي وبس .. استأذني منها قبل لا تطلعين من البيت .. اسأليها وشاوريها في أمورك الشخصيه .. ترى مهما كــــآن .. تضل خبرة أمك أو اللي أكبر منك أكثر من في هـ الحياة .. أمك تشوف جوانب وأشياء ثانيه أنتي ما تشوفينها ..خذي رأيها وفكري فيه .. حاولي انك تخلينها تشرح لك وجهة نظرها كــامله ..
.
.
/
- اذا شفتي أمك متضايقه من موقف .. او شي صاير .. وانتي شايفه ان الغلط منها.. لاتزيدين عليها .. وتقعديين تقولين انتي المفروض قلتي كذا وسويتي كذا الغلط منك .. لا.. هوني عليها .. واذا مو قادره وتحسين الغلط مررره عليها .. أقل شي أسكتي ولا تعلقيين .. مو تقعدين تزيدين عليها ..!
- خصصي وقت كبير لامك من يومك .. لا تلهين بدروسك وشغلك والنت وتنسينها ..ولا تقلبين نظام نومك .. اذا نامت هي قمتي انتي .. واذا قامت تنامين .. ولا ماتشوفينها الا اذا بغيتي شي .. لا خل نظامك مقارب لنظام امك .. اجتمعي معها كثييير .. أنا اتذكر من فتره .. كانت أمي بما انها موظفه .. تجي تعبانه وتنام .. واذا قامت تتغدى لحالها .. صرت انا ما اتغدى اذا رجعت .. انتظرها تقوم .. عشان اتغدى معها .. نسولف ونضحك .. حلوو ان وجباتك تأكلينها مع امك .. وأهلك ..
- دائمـــــــــــــا .. حبي (بوسي) رأس امك وابوك .. ويديهم .. خليــها عآآآآآآآده عندك.. أذا قمتي من النوم حبي راسها .. اذا خلصتي غدى وهي اللي طابخته حبي يدها وقولي لها ربي يعطيك العافيه .. ربي يحرم يديك عن النار .. أي شي بسيط تعمله لك .. أشكريها وبالغي بالشكر .. وادعي لها ..
- خلك دااااااااااائما مبتسمه بوججها .. ومها كآن مزاجك .. لا تكشرين بوجهها .. ولا تطلعين حرتك فيها ابدااااااااااااااااااااااااااا .. ترا صراخك عليها وتضييقك لصدرها من العقوق .. وانتوا عارفين ان العاق تلحقه عقوبته في الدنيا قبل الآخره ..!!
- اذا انتي والله نايمه عند خوالك .. او عمانك .. وهي بالبيت .. دقي عليها واسالي وش اخبارها .. لا تنسنها قدام وناستك ..
- داااااااااااااائما قولي لها تدعي لك .. ترى دعائها هو اللي بيمشي معك في دنيتك طبعا ان شاء الله ..
- آخر شي .. اذا رحتي السوق .. جيبي لها شي بسيط كل فتره وفتره .. مو شرط شي غالي ولا شي كبير .. لو تجيبين لها خاتم عادي .. شباصه أعجبتك لها .. أي شي يدل أنك متذكرتها ..!
هــــــــام ..
اذا صار لك أي شي ضايقك من أمك .. حاولي تشوفينه بطريقه ثــانيه .. شوفيه انه محبه لك .. خوف عليك .. او يمكن .. حره من موقف طلعت فيك .. اذا شفتيها معصبه .. لا تردين عليها بولا كلمــــــــــــــه .. هي من نفسها اذا هدت بتعرف انها غلطانه ..اذا انتي زعلتيها .. حاولي بكل الطرق تعذرين منها .. حتى لو حسيتي ان فيها اذلال لك .. هذا من الشيطان .. هي يـــاما وأنتي صغيره .. ذلت نفسها عشانك .. عمرك لا تحطين راسك ع المخده وهي زعلانه منك .. بتنامين وربي وهي غاضبين عليك ..! انتبهي ..
.
.
/
وأخيرا .. <- مابغيتي ..
احمدي ربك واشكريه على النعمه اللي انتي فيها .. كثيــــر ناس انحرموا من أمهاتم .. وكثييير يحسدون اللي عندهم امهات.. كثييييير ندموا على تصرفاتهم مع امهاتهم بعدماتوفوا .. أو مرضوا ... لا تنتظرين هذا اليوم يجي .. بعدها راح تحسين بأنواع الندم .. وتأنيب الضمير .. وحطي ببالك .. أن كل شي تسوينه في أمك الحين .. بيسونه عيالك فيك .. أو راح ينرد لك في مواقف لك بـ هـ الحياة .. يا أما بالتوفيق .. أو عدمه ..
يآآآآآرب احفظ أمي .. وامهآآت المسليمن .. وطول في أعمارهم على طاعتك .. ولا تحرمنآ منهم .. وأعيننا على برهم .. وأجعلم دوما راضيين عنــآ ..
يآآآرب ما آكون طولت .. وزهقتكم بحكيي .. انا اذا فتحت مجال لنفسي .. ماعاد أسكت ..
في حفظ الرحمن جميعاً ..
الرئيسية
البوابة
