خدي هده النصائح عند تجهيزاتك للولادة

<b>

اولآ لازم تخلي
ببالك ان المواضيع هذي ما تنطبق على أي طفل
لان هناك فروقات بين احتياجات
المواليد
سأذكر لكم هنا بعض الفروقات في بعض التجهيزات:

’,

- مقاس new born
الكثير ينصح انه لا تاخذي مقاس نيو
بورن عشان ان المواليد خلال فترة الاربعين يكبروا بسرعة
لكن << ركزي هنا ... في اطفال يولدوا خدج قبل
موعدهم ويكون حجمهم مررررة قليل يعني حتى نيو بورن كبيرة عليهم
وفي اطفال يولدوا
مكتملين في نهاية التاسع بس وزنهم يادوب 2 كيلو

باختصار: لو كنتي عارفة ان وزن جنينك قليل اشتري ع
الاقل بدلتين نيو بورن تمشي فيهم فترة الاربعين
*وآنآ رآي تشتري طقم واحد اللي يجي فيه 3 بربتوزات لاول
اسبوعين*

’,

- المقاسات ( بشكل عام)
قبل ما تتورطي بالشراء ولمن
توصلي البيت يطلع المقاس اصغر من السن او اكبر منه .. تأكدي في المحل..
افتحي
البدلة في المحل ولاحظي طولها
لان احيانا يكون مكتوب من 0-3 والبدلة بالعافية
تجي ع الطفل لعمر شهر بس
واحيانا تكون مكتوب من 0-3 وهيا كبيرة بنفس مقاس
3-6
لأن بعض شركات تصنيع الملابس تخطئ في تقدير العمر لكل قطعة وأيضآ لاتنسوا
اوزان واحجام كل طفل تختلف عن غيره

’,

- المرايل ( الصدريات)
قد تحتاجيها بكثرة يعني تشتري
درزن 12 حبة
وقد تحتاجي 2 بس
والسبب .. ان بعض الاطفال يستفرغوا الحليب
بكثرة , وبعضهم الله يحفظهم ما يرجعوا ابدآ او يستفرغوا كمية بسيطة جدا مجرد نقطتين
تمسحيها بمنديل وانتهينا

’,

- المهادات – الكوافل – القماط
احتياجك منها يختلف عن غيرك
على حسب هل هناك من يغسل لك الملابس باستمرار << هنا لا تحتاجي غير 3 أو4
فقط
وعلى حسب هل طفلك يرجع الحليب بكثرة
وعلى حسب هل انتي ناوية تعودي ولدك
على اللف دايمآ! لان بعض الامهات تلف ولدها فترة الاربعين بس
وعلى حسب ايضآ انه
هل ناوية تشتري بدلات من الاطقم اللي تجي بربتوز وطقمه مهاد.. يعني مايحتاج تزيدي
تشتري مهادات ثانية لوحدها

وياليت تاخذي الوان فاتحة قريبة من الابيض
دائمآ عشان ماتسمر طفلك

وبالنسبة للمثلث اللي يجي غطاء للرأس
في المهاد لم استفد منه اطلاقا
لانك تضطري تعطفي المهاد تطبقيه بشكل مثلث عشان
تلفي الطفل فما تستفيدي من غطاء الرأس
*اغلب الامهات
يلبسو البيبي طربوش او قبوع*

’,

- الشفاط
في حريم كثير ما استخدموه واشتروه ع الفاضي
لانهم اعتمدوا ع الرضاعة الطبيعية
يعني البعض مجرد احتاجوه اول اسبوع عشان
البيبي دايما نايم والحليب يتجمع , وممكن تستعيضي عنه بالعصر باليد لتخرجي الحليب
بكل سهولة لو تعودتي

’,

- الرضاعات
الاحظ كثير في صور تجهيزاتهم اشتروا رضاعات
بلاستيك مع انه مضرة للطفل خصوصا عند غليها الدائم لتعقيمها
مثل

رضاعة AVENT
برضاعة PIGEON ورضاعة CHICCO

ينصحوا
غالبا بالرضاعات القزاز ( زجاجية) عشان ماتتفاعل مع السوائل اللي داخلها وماتتضرر
مع الغلي والتعقيم وتخرب ويخرب الحليب

وماله داعي6 او7 رضاعات
تشتريها
يكفي 2 رضاعات تشتريها اثناء تجهيزاتك وانتي حامل
وبعدين لمن يجي
البيبي حتحكم الظروف لانه قد يعتمد على الطبيعي فقط

’,

- مقاس حلمات الرضاعة(المصاصات)
ركزي ياحلوة انه في
مقاسات لحلمات الرضاعة
احيانا تجي بارقام (1,2,3)
واحيانا بحروف ( (
S,M,L

طبعا
الرضاعات اللي تشتريها تجي حلماتها مقاسsmall يعني (S) غالبآ , واذا كنتي تعتمدي
الرضاعة الطبيعية وتستخدمي الرضاعات استخدام محدود للشاي والاعشاب يعني ماتغليها
الا مرة او مرتين في الاسبوع فربما ماتخرب الحلمة الا بعد شهرين او
3

اما اذا
كنتي تعتمدي الرضاعة الصناعي وتغلي الحلمات يوميا فأكيد بتخرب الحلمة
بدري

طبعا
خرابها يعني تغير لونها او تصير لزجة تلتصق ببعضها وتلتصق الفتحة كمان فتنغلق

لذلك لمن
تجي تشتري حلمات زيادة لمن يكبر طفلك اشتريها مقاس M أو L عشان ربما لن تستخدميها
الا بعد شهور عندما تخرب الاصلية اللي جات مع الرضاعة

’,

- اللهاية
لا تستعجلي بشراء لهاية او اكثر الا اذا كان
يبكي كثيرر او في الاساس نيتك تعودي طفلك من بدري
لان اللي تجي تعود طفلها بعد
عمر شهر يرفضها في الغالب
’,

- مناديل الاطفال المبللة
حتحتاجيها
عشان لمن يكون في عندك ضيوف او لمن تخرجي برا ..
لكن<< مهم تمسحي بعدها بالماء .. خلي معك قطن
((نفس اللي تشيلين بيه مكياجك)) وبعد المناديل بخفيف مسحي لطفلك بالقطنه المبلله
عشان الحساسيه ..

و
بالذااااات بعد التبرز لازززززم تغسلوا لهم مؤخرتهم
بالمااااء
يعني بعد
كل تبرز عشان مايتسلخوا ..
حتى لو البراز قليل ..
مايحتاج تكثري من
المناديل اشتري وحده عشان تعرفي اذا ناسبت بشرت طفلك

[center]’,

-
الشراريب ( الجوارب)
لاتسووا مثلي اشتريت شراريب بكميات كبيرة مقاس مولود
.. ونسيت اني اخذت بربتوزات من اللي تجي كاملة تغطي
الرجول!!!

والان
الشراريب جديدة ولله اغلبها ما استخدمتها لان بربتوزات ولدي ماتحتاج!
خذي
احتياجك وانتي تقضي بما يتناسب مع ألوان البدلات اللي
اشتريتيها

يعني خلي الشراريب اخر شي تقضيه عشان تشوفي ايش الالوان اللي تحتاجيها
بالزبط وكم العدد اللي تحتاجي

’,

- الجو
ركزي على كيف حيكون الجو في تاريخ ولادتك وكذلك
في تاريخ وصول ولدك الى مقاس 3-6
لان في بعض الامهات يوم يقضوا ياخذو كام بدلة
من مقاس 3-6

ركزوا ع الجو عشان ماتشتروا شتوي وماعاد تستخدموهم أو تشتروا صيفي والجو
بارد

’,

- فساتين 0-3
بنوتتك خلال الاربعين حتكون باللفة محد
حيشوف كشختها
وكمان المولودة تكون مررررة ضعيفة يعني ما حيبان حلا الفستان
عليها وهيا ضعفانة

واحلى شي للمواليد البربتوزات الكاملة وليس
اللي تجي قطعتين
لأن البنات النونات مو حلوة عليهم الفساتين ولا البنطلونات
احلى شي البربتوزات الكاملة والافرهولات
واتركي الدلع لما بعد عمر
الشهرين

وفي فترة الحبي ما تنفع الفساتين والملابس القصيرة عشان
الركب

’,

- البربتوزات الداخلية
افضل
ألوانها تكون فاتحة وسادة او بيضاء عشان لا تبين من تحت
الملابس

</blockquote></blockquote>

’,

- المدس
اشتري حجم صغير لان البيبي
المولود صغير مرررررة وممكن يضيع جوا المدس
وعلى فكرة المدس الكبير بدل ما يخلي
شيل البيبي سهل.. يصير مرة صعب ويخليكي تخافي تحمليه

’,

- الماركات
الكل يقدر شوقك لتدليع ولدك بأحلى الماركات
بس لاتنسي ان البيبي خلال الاربعين يكون باللفة محد يشوفه ويكبر بسرعة يعني مايلحق
يلبس البدلة الا مرة او مرتين

وكمان ما راح تلبسيه اياها يوميآ .. ضروري
تنوعي كل يوم وتلبسي ولدك غير عشان يمكن تجي نفس الضيفة يوم تاني وثالث
..
وكمان بعض
الماركات قد تخرب من الغسيل ويبهت لونها ..وتنقهري لان سعرها غالي بعكس لو قطعة
متوسطة السعر خربت ماحتنقهري كثير

وكمان قد تتبقع عليكي ببقعة ماترضى تروح
سواء من وسخ او من نقطة دواء او من شي ثاني وتنقهري ع تمنها

بدل قيمة
الماركة الغالية خذيله عدة برتوزات حلوة *مذركير -
سنتربوينت*
لان البيبي ما يكرفها وحتظل جديدة وحلوة
عليه

’,

- الهدايا
الهدايا مشكلتها انك ماتقدري تتوقعي ايش
حتحصلي
يعني قد ماتشتري بدلات كثيرة للمولود لانه حتقولي اكيد طفلي بيحصل هدايا
ومع ذلك تلقي انه كل الحريم اهدوكي بدلات من عمر سنة او سنتين او يهدوكي فلوس

انتي اشتري
لطفلك عدد معقول من الملابس لفترة الاربعين لانه ماتعرفي هل سيحصل ام لا
..

وكله على
حسب هل عدد معارفك كثير ام لا.. لأنه لو مثلا انتي انتقلتي بعد زواجك لمدينة جديدة
اكيد معارفك قليل وضيوفك في النفاس حيكونو قليل يعني لاتعتمدي على الهدايا
كثير

وكمان خلي في بالك ان في حريم يحبوا يهدوا
جلاسة (هزازة)
احيانا تحصلي في نفاسك 2 أو
3جلاسات

لذلك لا تستعجلي بشراء جلاسة او عربية خروج
او كرسي سيارة او مرجيحة او مشاية او كرسي طعام لأنه ربما تجيكي هدية خليها لما
بعد الاربعين ..

</b>[/center]

موضوع في غاية الروعة و الابداع و الجمال جزاك لله خيرا و تسلم اناملك الفنانة

» النصائح لإيجاد الغذاء المناسب لهذه التغييرات‎
» هل تريد ان تحافظ على ذاكرتك ...اليك النصائح الكاملة
» تعانين من تساقط الشعر اليكي بعض النصائح لتجنب تساقط الشعر وافضل علاج تساقط الشعر .